देवकोटा, म र व्यँग

रचनाकार:- विकल्प अधिकारी
२०६९ कार्तिक २६, लक्ष्मिपुजको दिन

उनि कार्तिक २७ गते जन्मिए

म भदौ २७ मा जन्मिएँ

उनि कार्तिकमा जन्मिएर पनि कार्तिके भएनन्

म भदौमा जन्मिएर कर्तिके, चैते, यस्तै यस्तै भएँ ।

उनले सकृंत पढे, मैले विज्ञान पढेँ

उनले साहित्य पढे, मैले समाज पढेँ

उनले लघुकौमदि पढे, अमरकोष पढे र अमर भए

मैले १२, २७ थोक पढेँ न ति दिमागमा अमर भए न जीवनमा अमर भए ।

उनि टि.सि त्रि-चन्द्रमा ISC पढे

मैले अस्कल अमृत क्यामपसमा ISC पढेँ

उनले साहित्यमा रूची राखे एक प्रतिश्ठित स्रष्ठा बने

मैले साहित्यमा रुची राखेँ एक कनिष्ठ पाठक बने ।

उनि साईकल चढ्नमा शौखिन थिए

म मटरसाईकल चढ्नमा शौखिन छु

उनि एक हातले साईकलको ह्याण्डल समात्दथे

अर्को हातले चुरोट समात्दथे

तर म दुवै हातले मटरसाईकलको ह्याण्ल समात्छु ।

उनलाई सानोमा डाक्टर बन्ने ईच्छा थियो

मेरो सानोमा मास्टर वन्ने ईच्छा थियो

उनको ईच्छा धनको अभावले पुरा भएन

मेरो ईच्छा धन उन्मादले पुरा भएन ।

उनि लाउनमा भन्दा खानामा शौखिन थिए

म खानामा भन्दा लाउनमा शौखिन छु

ब्राहमण उनि, डिल्ली वजारको लप्टन बाजेको मिठाई पसलमा मिठाई खान्थे

म उपाध्याय वाहुन, बाग बजारको म:म पसलमा महिस/भैसीको म:म खान्छु ।

उनलाई १९९५ मा

मलाई हरेक वर्ष

उनलाई पागलपनको उपचार गर्न

मलाई सध्धेपनको उपचार गर्न

उनलाई राँचि लागियो

मलाई वेनामको अस्पतालमा

न उनको रोग निको भयो न मेरो ।

उनले " उदेश्य के लिनु, उडि छुनु चन्द्र एक" लेखे

केहि समय पछि रकेट चन्द्रमा पुग्यो

उनको सपना पुरा भयो

म त्यहि पुर्णिमाको चन्द्रमा हेरर आफ्नो उदेश्य र सपना वुन्छु

र हरेक ‌औंसीमा ति सपान र उदेश्य तुहिन्छन ।

उनले कति लेखे कति, उनलाई था भएन

मैले केहि लेखिन, मलाई थाहा छ

उनलाई लेखेका कापी र पाना भन्दा खाली पानाको महत्व थियो

मलाई न खाली न लेखेका पानाको महत्व छ ।

उनि एक युगपुरुष

म एक पुरुषार्थहिन

उनि एक लोकप्रिय सष्टा

म एक कनिष्ठ पाठक

बहुचर्चित, युगान्तकारी उनलाई नेपालमा जन्मिनु भौगोलिक गल्ति (Geographical Mistake) भने

म एक लाछि, नमार्द यो धर्तिमा जन्मिनु मानविय गल्ति (Human Mistake) भने ।

देवकोटालाई नेपालमा जन्मिनु भौगोलिक गल्ति (Geographical Mistake) भने

मलाई यो धर्तिमा जन्मिनु मानविय गल्ति (Human Mistake) भने ।